انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

طريقة عمل مكرونة الفريدو

مكرونة,معجنات,مكرونة بالصوص الابيض,مكرونة فوتوتشينى,مكرونة الفريدو,مكرونة بالمشروم,وصفة مكرونة المطاعم

انا ايف بتقدملكم طريقة سهله لعمل مكرونة الفريدو اللذيذة زى طريقة المطاعم بالظبط ….. قدميها لاطفالك كمان حيحبوها اوى لانها غنية جدا بالطعم على الرغم من انها  بسعرات حرارية قليلة…… اسيبكم مع طريقة عمل مكرونة الفريدو

 

المكرونة الالفريدو بطريقة المطاعم
مكرونة,معجنات,مكرونة بالصوص الابيض,مكرونة فوتوتشينى,مكرونة الفريدو,مكرونة بالمشروم,وصفة مكرونة المطاعم

المقادير:

500 جرام مكرونة شرايط مسلوقة

250 جرام مشروم مقطع (يفضل لو يكون غير معلب)

2 كوب كريمة طهى

2 فص ثوم

معلقة كبيرة دقيق

كوب لبن (ممكن يكون منزوع الدسم)

ملح وفلفل ابيض

شوية زيت نباتى (لونه فاتح)

 

طريقة عمل مكرونة الفريدو:

هاتى طاسة واسعة وحطى فيها شوية الزيت وعليهم المشروم وغطيها وسيبيها على نار متوسطة لمدة 5 دقايق

وبعدين هدى النار خالص وشيلى الغطا بهدوء وقلبي المشروم كويس وحطى الثوم

حطى معلقة الدقيق وقلبيها معاه شوية لحد ما يبدء الدقيق يحمر وحطى علية اللبن وقلبية لحد ما يبدأ يكون لية قوام

حطى علية كريمة الطهى وافضلى قلبيهم على نار هادية لحد ما تحسى انو بقى ليه قوام كريمى كدا

حطى عليهم المكرونة المسلوقة والملح والفلفل الابيض وسيبهم على نار هادية جدا لحد ما المكرونة تسخن وقدميها

تقدرى تزينيها بالريحان او القدونس او رشة جبنة شيدر او بارميزان

التعليقات مغلقة.