انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

ازاى تساعدى طفلك على الكلام

ساعدى طفلك على الكلام,ازاى تتكلمى مع طفلك,ازاى تساعدى طفلك على الكلام,الكلمات المناسبة امام طفلك,تعبيرات وجهك امام طفلك تساعدة على الكلام,خطوات تعليم طفلك الكلام

انا ايف جايبالكم موضوع يهم كل ام وهو ازاى تخلى طفلك يبدأ يفهم كلامك و ازاى تساعدي طفلك على الكلام واية اهم خطوات تساعدك على انك تساعدى طفلك على الكلام لان الطفل بيبقى عنده غريزة الانصات للاصوات من وهو رضيع وكل اما بيكبر بيبدأ يركز فى الاصوات دى ويكون منها كلمات يبدأ يفهم معناها مع تكرارك ليها بطريقة معينة

طفلك من ولادتة بيبدأ يسمع الاصوات ويميزها من غير ما يفسر اى كلمات من كلامك بس بيبقى مهم جدا انك تخصصى وقت بينك وبين طفلك علشان تتكلمى معاه انت وطفلك فقظ وتحاولى تكون مقاطع الكلمات واضحة واكيد كلها كلمات بتدل على حبك ليه

لما بيبدأ يكبر شوية بيبدأ يركز فى الكلمات اللى بتتقال قدامه وبيركز اكتر فى تعبيرات وجهك وانتى بتقولى كلام معين او اشارات انتى ممكن تعمليها وانتى بتتكلمى معاه مثلا لما بتبقى بتكلمية علشان توضحى حبك لية بيركز فى ملامح الحنان والحب على تعبيراتك او لو بتفهمية انه بيعمل حاجة غلط بيشوف على تعبيراتك الزعل و الغضب وبيبدأ يربط الكلام بتعبيرات وجهك

او مثلا لما تحضريله الاكل وتشاورى على الاكل وتقوليله انا حضرتلك الاكل بعد فترة حيبدأ لما يسمع كلمة اكل يفهم انو حياكل دلوقتى وهكذا

لذلك حاولى تجنب انك تقوليله كلام وانتى متقصديش معناه علشان دا حيخلية يتشتت بين الكلام وتعبيرات الوجه زى مثلا انك تدلعية تقوليله “اية الوحاشة دى” او بعض الكلمات الدارجة فى مجتمعنا

لازم وانتى بتعملى لطفلك اى حاجة تبقى بتكلمية وتقوليله انتى بتعملى اية بالظبط زى مثلا انك تكونى بتغيريله هدومه تقوليله ” دلوقتى حنقلع هدوم الخروج علشان نلبس هدوم النوم” او ” احنا دلوقتى بنقلع الشوز وحنلبس شبشب” وهكذا ودا حيخلية يربط الكلمات دى بالاشكال اللى انتى بتشاورى عليها وحيبدأ يحاول ينطقها

كل دا انتى بتسيبى مخزون من الكلمات عند طفلك ومع تكرارك للكلمات دى فى الاوقات المناسبة حيخلية يبدأ يحاول يقولها معاكى ولكن احذرى الكلمات السلبية اللى ممكن تأثر على نفسيته زى انو يعمل حاجة غلط فتقوليلو “انت وحش واللى عملتو غلط” لا حاولى تستبدلى دا بكلمات تحفيزية زى ” حبيب مامى حلو مش بيعمل الحاجات دى” فدا حيظهر حبك لية فى نفس الوقت حيوصله نفس المعنى بطريقة حلوة متأثرش على نفسيته بالسلب

 

 

 

التعليقات مغلقة.