انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

لنضارة بشرتك… تعالى اقولك وصفات سحرية

نضارة,نضارة بشرتك,وصفات,وصفات سحرية,وصفات لنضارة البشرة,حافظى على نضارة بشرتك,اسلوب حياتك بيأثر على نضارة بشرتك

انا ايف جيبالكم وصفات سحرية لنضارة البشرة والمحافظة عليها من الارهاق والتعب اللى بتتعرضلهم كل يوم…. والوصفات السحرية دى مش اكل بس او حتى ماسكات دا اسلوب حياة تمشى عليه حيحافظ على بشرتك وجمالك وبريقك دايما…

الحياة اللى بنعيشها كل يوم بيبقى ليها تأثير على بشرتنا وبيسبب لها الارهاق وبيخليها دايما باهته ومطفيه وبيبدأ يظهر فيها حبوب او رؤوس سودا واحيانا بتوصل للكلف

فحاولى تغيرى اسلوب حياتك علشان تحافظى على نضارة وصحة بشرتك

لذلك حاولى قدر الامكان الابتعاد عن التوتر وانك تحاولى تعادلى التوتر اللى بتتعرضيله فى اليوم بممارسة رياضة اليوجا او ممارسة تمارين رياضية بشكل منتظم

طبعا الاكل من اخطر الحاجات اللى بتأثر على البشرة لذلك حاولى الابتعاد عن الاكلات المليئة بالدهون المشبعة والابتعاد ايضا عن الاكلات المليئة بالسكريات الصناعية يفضل استبدالها بالسكريات الطبيعية اللى فى الفاكهة

وطبعا فى اكلات بتعمل العكس تماما زى:

*البرتقال لوجود فيتامين سى به واهمية فيتامين C للبشرة انو بيحميها من اشعة الشمس الضارة وكمان بيحفز البشرة على افراز هرمون الكولاجين اهم عنصر من عناصر نضارة البشرة

*البابايا لانها فاكهة غنية جدا بالالياف وفيتامين A,C وعناصر زى الماغنسيوم والبوتاسيوم ودى من العناصر المضادة للاكسدة علشان كدا بيكون ليها تأثير قوى على نضارة البشرة وصحتها وكمان البابايا من الفواكه اللى بتساعد على تفتيح البشرة وتقشيرها ( ماسك البابايا بالعسل)

*الرمان فهو يحتوى على الاحماض الأمينية زى الاوميجا 3 وايضا فيه نسبة عالية من البروتينات والفيتامينات والمعادن زى البوتاسيوم ومضادات الاكسدة وبيساعد البشرة على افراز الكولاجين اللى بيساعد فى اخفاء وتأخير ظهور علامات السن زى التجاعيد على الوجه

*جوز الهند من الفاكهة الغنية بالأوميجا 3 وبتساعد على اصلاح وتجديد الخلايا

*الشوكولاتة غنية بمادة الفلافانول المضادة للأكسدة ودى بتقلل جفاف البشرة وبيساعدها على الاحتفاظ بالرطوبة المناسبة ليها (كلى حتة صغيرة بس علشان رشاقتك)

*الشاى الاخضر وكلنا عارفين مدى غناه بمضادات الاكسدة المفيدة جدا للبشرة

*العسل النحل فهو بيحافظ على البشرة من الجفاف لانه بيحتفظ بالرطوبة داخل المسام وبيمنع تراكم الدهون على البشرة وبيساعد فى تفتيح البشرة وبيمنع ظهور التجاعيد

*المياة فشرب كمية مناسبة كل يوم من المياة (8 كوبايات يوميا) بيساعد على حفظ نضارة بشرتك وحمايتها من الجفاف وهو من اهم العناصر اللى بتأثر على البشرة لان المياة بتساعد على امتصاص المواد النافعة من كل العناصر السابقة

 

————————————————————————————————————————————————————————————–

وطبعا لازم تحافظى على بشرتك من اشعة الشمس الضارة باستخدام واقى الشمس المناسب لبشرتك (sun block) كل يوم تنزلى فية بالنهار

عمل ماسكات للبشرة من كل المواد اللى قولناها دى مفيد جدا (حنزلكو ماسكات كل العناصر السابقة ان شاء الله)

اخيرا النوم لازم تنامى بهدوء وعمق لعدد ساعات مناسب (6 ساعات يوميا) دا بيساعد البشرة على اصلاح الخلايا التالفة وابقاءها نضرة وبراقة

 

 

التعليقات مغلقة.