انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

طريقة عمل كباب الحلة | وصفات سهلة

انا ايف بتقدم لكم دايما اسهل الوصفات للاكلات اللى بتحبوها واللى ممكن تتعمل بسهولة و فى وقت قليل…… بنقدم لكم النهاردة طريقة عمل كباب الحلة اللى كلكو بتحبوه…. اسيبكم مع طريقة عمل كباب الحلة

 

كباب الحلة
كباب الحلة,طريقة عمل كباب الحلة,وصفات سهله,وصفة سهله لعمل كباب الحلة,وصفات سهلة مجربة,اسهل طريقة لعمل كباب الحلة

 

المقادير:

1 كيلو لحمة متقطعة مكعبات صغيرة

1 بصلة كبيرة متقطعة شرائح

1 كوب شوربة لحمة

4 معالق زيت كبيرة او 2 معلقة سمنة (حسب الرغبة)

6 فصوص ثوم مفرومين

ملح وفلفل

اى بهارات تحبيها (زى الحبهان والبابريكا و الكسبرة و بهارات اللحمة او اى حاجة تحبيها)

طريقة عمل كباب الحلة:

اغسلى اللحمة كويس وحطيها فى ماء على النار لمدة 5 دقايق وبعدين طلعيها صفيها واغسليها تانى كويس

حطى الزيت او السمنة على النار لحد ما تسخن وحطى فيها اللحمة وقلبيها كويس علشان تتحمر بالتساوى من كل الجهات

حطى عليها البصل والتوم وقلبيها تانى كويس اوى

ابدأى تحطى البهارات والملح والفلفل وقلبيهم كويس

جيبى كوب شوربة اللحمة وحطية عليهم وخليها على نار هادية لحد ما تستوى كويس

ممكن تزينيها عند التقديم بشرائح الفلفل الملون

التعليقات مغلقة.