انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

طريقة عمل الكريب بشاورما الدجاج

طريقة عمل الكريب,وصفة سهله للكريب,كريب حادق,كريب بشاورما الفراخ,طريقة عمل الكريب بشاورما الدجاج,كريب حادق بالشاورما

انا ايف بتقدم لكم طريقة عمل الكريب بشاورما الدجاج ناس كتير دلوقتى بتحب الكريب حادق وحلو…… معانا الكريب الحادق بشاورما الدجاج وصفة سهله ولذيذة واطفالك حيحبوها…. اسيبكم مع طريقة عمل الكريب بشاورما الدجاج

 

كريب شاورما الفراخ
طريقة عمل الكريب,وصفة سهله للكريب,كريب حادق,كريب بشاورما الفراخ,طريقة عمل الكريب بشاورما الدجاج,كريب حادق بالشاورما

 

 

 

مقادير الكريب:

2 بيضة

100 مللى لبن

10 مللى زيت

60 جرام دقيق

30 جرام  كريمة لبانى

رشة ملح

 

مقادير الحشو (الدجاج):

200 جرام دجاج

1 طماطم مقطعة

1 بصل مقطعة

ملح وفلفل اسود

بهارات دجاج واى بهارات حسب الرغبة ( يفضل الكارى و البابريكا)

عصير 2 ليمون

2 فصوص ثوم مفرومة

2 معلقة كبيرة مايونيز

2 معلقة زيت

 

طريقة عمل الكريب:

حطى الدقيق فى بولة زجاجية واضربيهم مع اللبن والبيض

ضيفى الكريمة اللبانى لحد ما تصبح متجانسة وعجينة ناعمة وسائلة

جيبى طاسة تيفال وحطى عليها شوية زيت درة

وبمعيار واحد ابدأى حطى العجينة فى الطاسة على حسب الحجم اللى تحبية

بمجرد ظهور فقاعات الهواء عليها تقلبيها على الجنب التانى لحد ما تحسى انها استوت وتماسكت

وكررى الموضوع لحد ما العجينة تخلص

 

طريقة عمل شاورما الدجاج:

اسلقى الدجاج نص سلقة

وبعدين تبليه بالتوم و الليمون والزيت والبهارات والملح والفلفل الاسود

حطيها فى طاسة على نار هادية وشوحيها لحد ما تستوى ابدأى ضيفى عليها الطماطم والبصل لحد ما يبدأو يدبلو

 

طريقة عمل كريب بشاورما الدجاج:

طلعى الدجاج بعد ما استوى فى طبق لحد ما يهدى وابدأى فى حشو الكريب

حطى الكريب وعليها المايونيز وجزء مناسب من الدجاج المتبل ولفيها بهدوء

قدميها سخنة

التعليقات مغلقة.