انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

طريقة عمل كيكة التفاح بالقرفة

انا ايف بتقدم لكم طريقة عمل كيكة التفاح بالقرفة الرائعة واللذيذة وطبعا الطريقة دى لكل عشاق القرفة لان الكيكة دى بتبقى غنية جدا بطعم القرفة المميز مع التفاح اللى بيقوى نكهة القرفة…. اسيبكم مع طريقة عمل كيكة التفاح بالقرفة

 

كيكة القرفة بالتفاح
طريقة عمل كيكة التفاح,التفاح والقرفة,وصفة كيكة التفاح والقرفة,وصفات مجربة,حلويات,حلويات القرفة

 

المقادير:

3 ثمرات تفاح مقشرة ومبشورة (يفضل التفاح الاخضر)

2 ونصف كوب دقيق حلويات

1 كوب سكر بودرة

3 معالق صغيرة قرفة

1 معلقة كبيرة بيكينج بودر

1/4 كوب نشا

كوب لبن

نص كوب زيت ذرة

3 بيضات

فانيللا

2 معلقة صغيرة سكر سنترفيش

 

طريقة عمل كيكة التفاح بالقرفة:

اخلطى التفاح المبشور مع القرفة و السكر السنترفيش

اضربى البيض مع الفانيللا وكوب السكر جيدا وضيفى اللبن وكملى ضرب وبعد شوية ضيفى الزيت وكملى ضرب كويس جدا

انخلى الدقيق مع البيكينج بودر وضيفية على الخليط واحدة واحدة واضربى بهدوء لحد ما تحصلى على قوام متجانس من العجينة

جهزى صينية مناسبة وادهنيها بالزبدة ورشى عليها دقيق وحطى العجينة فيها

وزعى خليط التفاح والسكر والقرفة بالتاسوى على وجة العجينة

حطيها فى الفرن المسخن على حرارة 170 درجة لحد ما تستوى وبعدين تشغلى الشواية علشان تحمرى الوش شوية

ممكن تزينيها بعد ما تبرد بالكريم شانتى

التعليقات مغلقة.