انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

بذور الكتان للتخسيس | رجيم

انا ايف جيبالكم موضوع عن بذور الكتان واهميتها فى التخسيس وطريقة استخدامها….شاع فى الفترة الاخيرة التخسيس ببذور الكتان بس كان فى اشاعات بتقول انو بيسبب العقم للبنات والسيدات وطلعت معلومة خطأ والحقيقة انه امن تماما الا من بعض الحالات اللى حنوضحها فى المقال….. اسيبكم مع فوايد بذور الكتان للتخسيس

 

بذر الكتان
بذور الكتان,بذر الكتان للرجيم,وصفات للتخسيس,رجيم,تخسيس بطرق طبيعية,فوائد بذور الكتان,بذور الكتان للرجيم

 

 

فوائد بذر الكتان للجسم:

بذور الكتان مصدر مهم للاوميجا 3 و الاوميجا 6 فى الجسم لانه غنى جدا بيهم وكمان بيحتوى على الالياف اللى بتساعد الجهاز الهضمى فى الانتظام وكمان بتساعد بنسبة كبيرة فى الاحساس بالشبع

بذور الكتان بتقلل نسبة الكوليسترول فى الدم وكمان بتخفض نسبة السكر فى الجسم للمعدلات الطبيعية وكمان بتحافظ على نسبة الكالسيوم فى الجسم فبتمنع هشاشة العظام

بذور الكتان غنية جدا بمضادات الاكسدة اللى بتحمى الجسم من السرطان وخصوصا سرطان القولون

 

نصايح فى استخدام بذور الكتان فى التخسيس:

بذور الكتان لازم تتناوليها مطحونة كويس علشان تقدرى تستفيدى بيها اقصى استفادة ممكنة

وبينصح انك تاكلي جزء منها قبل الوجبة بنصف ساعة علشان تديكى احساس بالشبع قبل ما تبدأى اكل دا غير الجزء اللى حتاكلية مع الاكل نفسة زى انك تحطيها فى الكورن فليكس فى الفطار او تحطيها على السلطة مع الغدا

وممكن طبعا تاكليها (مطحونة) فى خلال اليوم باى كمية تحبيها

 

الممنوعين من تناول بذور الكتان:

الحوامل والمرضعات

اى شخص بيعانى من نزيف فى اللثة او نزيف فى الامعاء والقولون

اى شخص بيعانى من اى مشاكل فى الجهاز الهضمى

التعليقات مغلقة.