انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

تأثير الفصول الاربعة على صحة شعرك والحل المناسب لكل فصل

انا ايف جيبالكم موضوع يهم كل بنوتة شعرها ضعيف او بيتقصف وبيتساقط وخصوصا لو بتلاحظ دا فى اوقات معينة سواء من السنة ودا ليه علاقة بالفصول الاربعة او فى فترات تانية…… تعالى نشوف اية اللى بيحصل وتأثير الفصول الاربعة على صحة شعرك والحل المناسب لكل فصل

صحة الشعر
صحة الشعر,تساقط الشعر,حلول لضعف الشعر,حل تساقط الشعر,الفصول الاربعة وتأثيرها على الشعر,

 

من المعروف ان فصول السنة الاربعة ليها تأثير على الشعر والجلد والاظافر والتلاتة دول بيتكونو من نفس المواد الاساسية وهى الكيرياتين والبروتين بنسب مختلفة ودا اللى بيدى الاختلاف بينهم فى الشكل والملمس لذلك فى فصل الخريف بشرتنا بتعجز وشعرنا بيقع علشان كده بنسميه فصل الشيخوخة وفصل الشتاء فصل انعدام النمو  وفصل الربيع فصل البناء وفصل الصيف فصل الازدهار علشان كدا اللى بتلاقى شعرها بيضعف وبيزيد التساقط فية فى فصل الخريف والشتاء فدا طبيعى جدا لانو فى فصل الربيع والصيف حيرجع لطبيعته تانى

بس فى طريقة تحمى شعرك بيها وهيا انك تحاولى تغيرى طريقة اكلك بانك تاكلى مواد غنية بالبروتينات والفيتامينات (زى فيتامين ب)  اللى بيحتاجها الشعر فى النمو ودا حيخلى تأثير الفصول علية اقل وطبعا تحافظى على الماسكات الطبيعية اللى بتعمليها لشعرك على حسب نوع شعرك وتحاولى قدر الامكان الابتعاد عن تعريض شعرك للمواد الكيماوية زى الصبغات والهاى لايت وكمان تبعدية عن السيشوار و مكوة الشعر

دا طبعا تأثير الفصول على الشعر دا غير ان بيبقى فى اسباب تانية زى الجينات الوراثية وتوتر الاعصاب والدورة الشهرية واحيانا بعض الاختلال فى الغدد وافرازها للهرمونات

علشان كدا لما تساقط الشعر يكون مش طبيعى ومبالغ فية وملوش علاقة لا بالفصول ولا بتغيراتك انتى زى التوتر او الدورة الشهرية يفضل استشارة دكتور متخصص

 

 

التعليقات مغلقة.