انا ايف عالمك المتميز فى وصفات الصحة والجمال و طريقة عمل وصفات طبخ ,اكلات و الوصفات الطبيعية , دايت,تخسيس كل ما يهم ايف

طريقة عمل بيكاتا الدجاج بالمشروم

طريقة عمل بيكاتا الدجاج والمشروم,وصفة دجاج بالمشروم,بيكاتا الفراخ,بيكاتا بالمشروم,وصفات سهله

انا ايف جيبالكم طريقة عمل بيكاتا الدجاج بالمشروم وصفة لذيذة وغنية بالطعم وبتبقى رائعة لكل عشاق الدجاج والمشروم واللى تقدرى تقدميها كطبق رئيسى جنب الباستا بالصوص الابيض او تقدم لوحدها بالعيش المحمص….. اسيبكم مع طريقة عمل بيكاتا الدجاج بالمشروم

بيكاتا بالمشروم
طريقة عمل بيكاتا الدجاج والمشروم,وصفة دجاج بالمشروم,بيكاتا الفراخ,بيكاتا بالمشروم,وصفات سهله

المقادير:

كيلو صدور دجاج مخلية او بانية

نص كيلو مشروم مقطع (يفضل انه يكون فريش مش معلب)

كوب كريمة طهى

1 بصلة مقطعة

2 فص ثوم

2 معلقة كبيرة زيت زيتون

1 معلقة زبدة و 1/2 معلقة زيت نباتى

1 معلقة صغيرة زعتر

ملح وفلفل

1 معلقة صغيرة دقيق

 

طريقة عمل بيكاتا الدجاج بالمشروم:

تبلى الدجاج بزيت الزيتون وفلفل اسود وزعتر ولفيها بالورق الشفاف وسيبيها كام ساعة فى التتبيلة دى

هاتى طاسة واسعة مفرودة وحطى فيها الزبدة والزيت النباتى وسخنيها وابدأى حطى فيها صدور الدجاج لحد ما تبدأى تتشوح على الجنبين وبعدى هدى النار خالص علشان تستوى من جواها بردو قلبيها على الجنبين

طلعيها بعد ما تستوى حطيها فى طبق على جنب وفى نفس الطاسة حطى شوية زيت نباتى ونزلى فيها البصل والثوم قلبيهم لحد ما لونهم يبقى ذهبى

بعدين حطى عليهم المشروم وسيبيه يذبل شوية

حطى عليها كريمية الطهى والملح والفلفل  والدقيق

سيبيها تغلى لحد ما يبقى ليها قوام

حطى فيها الدجاج وهدى النار وسيبيها 10 دقايق

وقدميها وزينيها باى طريقة تحبيها او قدميها مع الباستا

التعليقات مغلقة.